Tarta tres chocolates

Aí vai a famosa tarta tres chocolates que está en tódolos blogues. Non sei se xa estaba en galego, por se non era así agora xa a temos. Esta, da foto, fíxena para o aniversario do meu pai.

Ingredientes
Para a base
1 paquete de galletas María
70 grs de manteiga derretida
1 chorro de leite.
Para cada capa
150 grs de chocolate (a mesma cantidade de cada un: do negro, do con leite, do blanco)
Azucre (4 culleradas para o chocolate negro, 2 para o con leite e 1 para o blanco)
250 ml de nata
250 ml de leite
1 sobre de “cuajada” Royal
2 láminas de xelatina
Realización
Da base
Picamos as galletas, déixanse como se fose fariña e mestúrase coa manteiga derretida e co chorro de leite. Introdúcese nun molde desmontable e exténdese ben no fondo. Métese na neveira, Sacarase cando estea preparada a primeira capa.
Das capas de chocolate.
O procedemento é igual para as tres capas.
1. Poñemos a xelatina a remollar
2. Derretemos o chocolate no micro. Temos moito coidado de que no se queime, polo cal, hai que miralo cada 20 sg e movelo coa espátula. Cado estea totalmente derretido deixámolo en espera.
3. Dos 250 ml de leite poñemos un poco nun vaso para disolver o contido do sobre de “cuajada”. O resto do leite, a nata e o azucre metémolos nun cazo ao lume, nunca moi forte (7 de 9).
4. Deixamos que se quente un pouco e engadimos o chocolate, remexemos cunhas barillas ata que o chocolate estea totalmente integrado co líquido e comece a ferver. Non deixalo ferver moito, trátase de que ferva suave (unhas pequenas burbullas)
5. Pódese quitar a xelatina para que vaia escorrendo da auga.
6. Á mestura do chocolate engadímoslle a “cuajada” disolta no leite e seguimos remexendo. A temperatura nunca se debe poñer no máis forte, senon máis ben nun medio alto (7-8).
7. Remexemos ata que volva a ferver da mesma maneira que a 1ª vez, Seguimos así un par de minutos (como a forma de ferver non é moi forte pode estar un pouco así, pero sempre remexendo). Sepárase un pouco do lume e continuamos movendo, Volvemos coa mestura ao lume e continuamos remexendo ata que volva a fever. Este procedemento é como indica no sobre de “cuajada”
8. Retiramos do lume. Escorremos ben a xelatina, Endímoslla á mestura e intregrámola ben con ela. A continuación métese no molde. (A xelatina non se pode mezclar cando estea fervendo, introducímola cando xa non faga burbullas)
NOTAS

- O procedemento é igual para tódalas capas.
- Hai que ter moita paciencia, leva arredor de dúas horas facela.
- Lávanse os utensilios e volta a empezar.
- Cando se remata coa segunda capa a primeira xa está un pouco callada. Fánselle unhas delicadas incisións, cun grafo, na superficie, procurando que non se levante parte da fina película que a cobre, porque se é así mestúrase coa seguinte capa. Esto é para que unhas capas se agarren ben ás outras e non se separen cando estea callada e se desmolde.
- No momento en que se introducen no molde, a 2ª e a 3ª capa, hai que ser moi coidadosos e non soltar o líquido directamente do cazo encima da capa anterior porque pode facer un burato e mestúrarse as capas. Débese ir soltando pouco a pouco encima dunha culler para que non caia tan a chorro.
- Por último métese na neveira varias horas. É mellor facela de un día para outro.
- Decórase por encima a gusto.

MARMELADA DE AMEIXAS AMARELAS

IngredientesAmeixas amarelas
½ kg de azucre por cada kg de ameixa limpa

Elaboración- Esterilízanse os frascos nos que se vai meter a marmelada. Póñense nunha pota cubertos de auga e déixase que fervan uns minutos. Logo colócanse, boca abaixo, encima dun pano de cociña ou de papel de cociña para que sequen.
- Pélanse as ameixas (non é necesario) e quítaselles a pebida. Córtanse en anaquiños e vanse metendo na pota na que se van a cocer. Unha vez rematado este proceso, ponse no lume ata que ferva e déixase que cozan ata que se vaian desfacendo.
- Pásanse polo batedor ou polo pasapurés para moer ben a polpa. Pésase e vólvese a meter na pota. Por cada kg de froita cocida engádeselle medio kg de azucre (neste caso eran 1,600 e púxenlle 1 kg de azucre, demasiado).
- Vólvese ao lume ata ferver. Mantense no lume, sempre burbulleando ata que adquira consistencia de marmelada. Pode tardar 2 hrs, tamén depende da forza do lume, canto máis forte, antes collerá a textura. Para comprobar que está feita bótase un pouco nun prato, previamente arrefriado no conxelador, se colle consistencia rápido e que xa está, se escorre polo prato, aínda necesita un pouco máis.
- Énchense os tarros, que deben estar secos. Tápanse cando se remate de enchelos, aínda quentes.
- Cos tarros ben tapados, introdúcense nunha pota con auga, de tal xeito que a auga cubra os botes. Cando a auga empece a ferver déixanse un anaco (10-15 min)
-Tarros de 1/2 kg.........................15 minutos
-Tarros de 1 kg ...........................25 minutos.
- Non é necesario quitlalos da auga onde estiveron fervendo. Poden ir arrefriando nela.

2º intento

Cambios e resultado:- Púxenas coa pel e coa pebida. Ao levar a pel, cando se pon a cocer co azucre, salta bastante. Hai que ter coidado e medio tapalo coa tapa da pota.

Comparación da cor e da textura entre o 1º (a máis escura) e o 2º intento.

3º intento. Paso a paso.

1.- Trocéanse as ameixas. Quítanselle as pebidas e tamén a pel daquelas que saia só con tirar por ela. Déixalle a pel das que están máis verdiñas e non se despega tan ben da polpa. A tona ten pectina e faille ben para para coller consistencia. As froitas máis verdes tamén teñen máis pectina, polo que convén mesturar algunha que outra un pouco máis verde.

2.- Ponse a cocer nunha pota ata que se ve que se vai desfacendo a froita, depende da cantidade de froita, neste caso arredor de 45´. Reméxese de vez en cando.

3.- Móese ben todo co batedor para que quede máis homoxénea, esto vai a gustos, a quen lle guste atopar cachos de froita non é necesario, pero os anacos que se cortan ao principio deben ser máis pequenos. Outra opción é pasalo polo pasapurés, así a masa é un poco máis gorda e grumosa que co batedor.

4.- Pésase a polpa da froita e engádeselle o azucre, sobre 500 grs por cada kg de froita cocida. Neste caso eran 2,750 kg de froita e engadinlle 1,5 kg de azucre (un pouco máis do establecido).

5.- Ponse de novo a cocer co azucre e déixase que colla consistencia (non saltou ao ferver, debe ser porque apenas levou tonas, no 2º intento, con tonas, saltaba bastante). Estivo unha hora e vinte, podía estar 5 min menos.

6.- Unha vez envasada e pechados os tarros en quente, introdúcense nunha pota con auga de xeito que a auga cubra os botes. Estiveron fervendo arredor de media hora (este tempo cóntase a partir de que ferve, logo báixaselle un pouco o lume, pero que siga burbulleando). Déixanse ata que enfría a auga

Unha mostra dos tres intentos (en orde de esquerda a dereita)

- Paseinas polo pasapurés, pero ao final era un lío coas pebidas, non llelas poño máis. Ademais non se daba despegado a carne da pebida. Finalmente aínda lle pasei o batedor para que quedara máis finiña.
- Queda moito máis espesa ao levar as tonas.
- Púxenlle menos azucre, menos de 500 grs por cada quilo de froita cocida.
- Estivo menos, bastane menos, tempo cocéndose co azucre.
- Quedou bastante amarga.
- A textura é máis licuada cá 1ª, ten textura de marmelada.
- Non lle sobraba máis azucre e máis tempo de cocción co azucre.

BISCOITO DE NOCES E CHOCOLATE

Ingredientes
5 ovos
1 terrina de queixo de untar de 200 grs
1 brick de nata de 200 ml
2 medidas de azucre
4 medidas de fariña
1 cullerada de azucre vainilla
1 puñado de noces (cantidade a gusto)
100 grs de chocolate (tamén cantidade a gusto)
Azucre glass
1 sobre de levadura Royal

Realización
1º Troceamos as noces e o chocolate ( a cantidade é aproximada, a gusto de cada un. O tamaño dos anacos tamén a gusto). Reservamos nun plato.
2º Separamos as xemas e as claras dos ovos. Montamos as claras e reservamos.
3º Batemos as xemas e incorporamos o queixo, mesturando ben.
4º A terrina de queixo valerá de medida. Incorporamos dúas medidas de azucre e integramos ben (pódense poñer tres medidas de azucre, depende dos gustos doces de cada un). Neste punto podemos engadir unha cullerada de azucre vainilla.
5º Engadimos a nata e batemos.
6º A continuación incorporamos a fariña e a levadura tamizadas. Imos engadindo cada unha das medidas por separado, cando a primeira estea ben integrada incorporamos a 2ª ata rematar.
7º Cando toda a fariña estea ben integrada engadimos as noces e o chocolate.
8º Por último engadimos as claras e mesturamos con movementos envolventes.
9º Cando a masa estea hoxénea, metemos nun molde enfariñado e enmaiteigado ou forrado con papel de forno. Introducímolo no forno prequentado a 160º durante 55-60 minutos (primeira parte da cocción con calor arriba e abaixo e logo co ventilador).
10º Espolvorexalo con azucre glass unha vez emplatado.

BISCOITO DE CENORIA

INGREDIENTES
Para a masa
6-7 cenorias grandiñas ben picadas (picadora), uns 400 gr.
4 ovos medianos.
100 gr de manteiga ou aceite.
280 gr de fariña de reposteria (non estaría mal que unha parte fose integral).
180 gr de noces ben picadas (coa picadora).
300 gr de azucre moreno. Pode ser un pouco máis.
2 culleradas de postre de canela moída.
4 culleradas de postre colmadas de levadura tipo royal (un sobre).
1 culleradiña de bicarbonato sódico.

Para a cuberta
200 gr. de queixo Philadelphia
200 gr. de manteiga
1 culleradiña de azucre avainillado
3 culleradas de azucre glace (ou un pouco máis, a gusto)

REALIZACIÓN
Da masa

1.- Nun bol poñemos a fariña xunto á levadura previamente tamizadas e o bicarbonato sódico, a canela e integramos ben.
2.- Batemos os ovos hasta conseguir o punto espumoso (pode ser co batedor eléctrico), engadirlle o azucre e bater. A esta mestura engadímoslle a manteiga derretida ou o aceite (continuar co batedor manual).

3.- Pasamos os ingredientes secos ao bol onde temos o líquido e mesturamos ben o conxunto.

4.- Cando o anterior estea ben integrado, engádeselle as cenorias e as noces, integramos ben.

5.- Nun molde previamente enmanteigado e enfariñado poñemos a masa e metemos no forno previamente prequentado a 200º con calor arriba e abaixo máis ou menos 25 minutos. Logo baixamos a temperatura a 180º e poñémolo no ventilador (sobre 20 min, este tempo é perfecto para o meu forno). Controlar e asegurarnos de que estea feito pinchando no centro e comprobando que a agulla sae limpa.

Da cuberta

Ablandar un pouco a manteiga a temperatura ambiente (sacala con tempo da neveira ou metela uns segundos no micro ata que abalande, non líquida). Mezclar ben tódolos ingredentes hasta obter unha crema fina y homoxénea (coa batedora queda máis homoxénea e fina). Untar toda a parte exterior do biscoito con ela (cando estea frío).